Македонската Православна Црква Св.Илија - Мисисага

Македонската Православна Црква Св. Илија во Мисисага е основана во 1979 година. Првата црковна зграда беше лоцирана на 290 Derry Rd West. Во 1997 година храмот беше преместен на денешната локација во Streetsville, реновирајќи и пренаменувајќи ја поранешна уметничка галерија во црква. Во 2000 година беше жртва на напад кога беше запалена при што поголем дел од зградата беше уништен. По собирањето средства од нашата локална македонска православна заедница, се донесе решение да се изградин нова црква. Темелите беа поставени на новата локација на 7-ми септември 2002 година, а изградбата заврши 2004 година. Во закрила на црквата битисуваат женска секција, црковен хор, неделно училиште со настава на Македонски јазик, клуб на пензионери, а исто така и играорна секција. Во долниот дел на црковниот објект има банкет сала. Секоја година Црквата Св. Илија учествува на повеќе градски културни настани, како на пример “Carassauga“. Црквата исто така го поседува „Св. Илија Македонски Парк“ со површина од 120,000 m2 лоциран блиску до Derry Rd & Hurontario St во Мисисага. 

Дали помагате преку парична донација, волонтирајќи или преку ширејќи ја нашата мисија преку збор и дело, Ви благодариме. Ние неможеме да ја спроведеме нашата мисија Вашата помош и подршка.